Халăха турттараççĕ

Транспортпа çул-йĕр хуçалăхĕн министерстви республикăри обществăлла транспорт ĕç-хĕлне лайăхлатассипе ĕçлет. Ку енĕпе ятарлă документ та хатĕрленĕ. Республика Пуçлăхĕ Олег Николаев палăртнă тăрах, ăна кăçал çулталăк вĕçлениччен йышăнса çитес çул пурнăçлама пуçласшăн.

Шупашкарти тата Çĕнĕ Шупашкарти троллейбус управленийĕсене пĕрлештерсе республика шайĕнчи пĕрлехи предприяти туса хурасшăн. Çакă Раççей Федерацийĕн прогаммăсене хутшăнса обществăлла транспорта çĕнетме май парĕ. Çитес çул Шупашкарпа спутник-хулана çыхăнтаракан троллейбуссен икĕ маршрутне уçма палăртаççĕ. Унпа пĕрлех ятарлă проезднойсем те пурнăçа кĕртесшĕн. Вĕсем икĕ хулана çÿрекен троллейбуссем çинчен урăххисем çине тепĕр хутчен билет илмесĕрех куçса ларма май парĕç