ՀՀ ՊՆ խոսնակ. Հակառակորդը չի դադարեցնում առաջխաղացման փորձերը
«Առավոտյան ժամը 08:00-ի դրությամբ իրադրությունը հայ-ադրբեջանական սահմանին էական փոփոխություններ չի կրել։ Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի եւ Կապանի ուղղություններով կիրառել հրետանային միջոցներ՝ ականանետներ, անօդաչու թռչող սարքեր եւ խոշոր տրամաչափի հրաձգային զինատեսակներ՝ թիրախավորելով թե ռազմական, թե քաղաքացիական ենթակառուցվածքները։ Սահմանի որոշ հատվածներում դիրքային մարտերը շարունակվում են»,- ասել է նա։