Ավարտվել է «ՎՏԲ-Հայաստան Բանկի գավաթ» մինի ֆուտբոլի մրցաշարը

Հոկտեմբերի 4-ին անցկացվել են «ՎՏԲ-Հայաստան Բանկի գավաթ» մինի ֆուտբոլի մրցաշարի եզրափակիչ խաղերը:

Բանկում նշել են, որ երրորդ տեղի համար մրցել են «Վաճառք» (POS վարկավորում)  եւ United (Բանկային ռիսկերի վերահսկողության դեպարտամենտի եւ Գործառնական դեպարտամենտի միացյալ թիմ) թիմերը: Հաղթել է United-ը:

Գավաթը խաղարկել են «ՓԲՎ» Փոքր բիզնեսի վարչության եւ «Երեւան 1» (Երեւան քաղաքի մասնաճյուղեր) թիմերը: Գավաթակիր է դարձել Փոքր բիզնեսի վարչության թիմը:

Բանկի ղեկավարությունը շնորհավորել է բոլոր մասնակիցներին՝ հաղթողներին շնորհելով մեդալներ եւ գլխավոր մրցանակը` գավաթ:

«Լավագույն ռմբարկու» եւ «Լավագույն գոլի հեղինակ» է ճանաչվել Վահե Արսենյանը՝ Փոքր բիզնեսի վարչության թիմից: