Դոհայում մեկնարկում է բռնցքամարտի վարկանշային ԱԱ-ն

Երիտասարդական ընտրանու գլխավոր մարզիչ Կարեն Աղամալյանի գլխավորությամբ հանդես են գալու 3 բռնցքամարտիկներ:  2016 թվականի Օլիմպիական խաղերի ուղեգրերի համար պայքարելու են Կորյուն Սողոմոնյանը (52 կգ), ԵԱ-ի բրոնզե մեդալակիր Արամ Ավագյանը (56 կգ) ու Հովհաննես Բոչկովը (64 կգ):

Առաջին երկու մարզիկներն ԱԱ մեկնելու իրավունք վաստակել են Եվրոպայի առաջնությունում, իսկ Բոչկովը ելույթ է ունենալու միջազգային ֆեդերացիայի թույլտվությամբ:

Մեդալների համար պայքարը սկսվելու է հոկտեմբերի 6-ից, իսկ այսօր կայանալու է կշռման արարողությունը: