Փաշինյան. ցավով պետք է նշեմ, որ ՀԱՊԿ պատասխանատվության գոտում իրավիճակն այնքան էլ կայուն չէ
ԵՐԵՎԱՆ, 10 հունիսի./ԱՌԿԱ/. Հայաստանի վարչապետ Նիկոլ Փաշինյանն ընդունել է Երևանում ՀԱՊԿ ԱԳ նախարարների խորհրդի նիստի մասնակիցներին։
Նշելով, որ այս տարի լրանում է կրկնակի հոբելյան՝ Հավաքական անվտանգության պայմանագրի ստորագրման 30-ամյակը և ՀԱՊԿ-ի ստեղծման 20-ամյակը՝ նա գոհունակությամբ նշեց կորոնավիրուսից հետո ավանդական դինամիկայի վերականգնումը։
Այս առնչությամբ Փաշինյանը նշեց, որ հոբելյանը լավ առիթ է վերլուծել անցած ճանապարհը, առանձնացնել առկա ձեռքբերումները և խոսել այն թերությունների մասին, որոնք նկատվել են Կազմակերպության աշխատանքի և գոյության ընթացքում։
«ՀԱՊԿ-ը մեր բոլոր երկրների անվտանգության ապահովման կարևորագույն գործոններից մեկն է, և ցավով պետք է նշեմ, որ մեր կազմակերպության պատասխանատվության գոտում իրավիճակն այնքան էլ կայուն չէ։ Այս համատեքստում պետք է սերտորեն համագործակցել, փոխանակվել տեղեկատվությամբ, գնահատել իրավիճակը, որպեսզի հնարավոր լինի ճիշտ ժամանակին գործարկել այն մեխանիզմները, որոնք նախատեսված են կանխել և կառավարելու ճգնաժամային իրավիճակները»,- ընդգծեց ՀՀ վարչապետը։ -0-