Յուրի Ջորկաեֆը տվել է «Երեւան ՌԱՆԱՐՄ»-ի մեկնարկը

«Երեւան ՌԱՆԱՐՄ 2015» վազքի միջազգային կիսամարաթոնը ներառում է 4 վազքարշավ` կիսամարաթոն (21,097 կմ), փոխանցումավազք (2 x 10,550 կմ), 5 կմ վազք ու 12-15 տարեկան դպրոցականների 2,5 կմ վազք:

Երեխաների հետ մեկնարկը տվել է հայտնի ֆուտբոլիստ Յուրի Ջորկաեֆը եւ նրա եղբայրը՝ Դեսի քաղաքի փոխքաղաքապետ Դենիս Ջորկաեֆը:

Միջոցառմանը ներկա են նաեւ սպորտի եւ երիտասարդության հարցերի նախարար Գաբրիել Ղազարյանը, Եվրոպայի չեմպիոն, ռեկորդակիր ու Աշխարհի առաջնության արծաթե մեդալակիր Ռոբերտ Էմմիյանը, որն էլ այս միջոցառման կազմակերպիչն է:

Արդեն կայացել է 2,5 կմ վազքը, մյուս տարածությունների մասնակիցները շարունակում են ելույթները: