ЕАЭО аясында 2016 жылдан бастап дәрілік заттардың ортақ нарығы қызметке кіріседі

АСТАНА. ҚазАқпарат - ЕАЭО аясында 2016 жылдың 1 қаңтарынан бастап дәрілік заттардың ортақ нарығы қызметке кіріседі. Бұл туралы бүгін Сенаттың жалпы отырысында Денсаулық сақтау және әлеуметтік даму министрі Тамара Дүйсенова мәлім етті. Жалпы отырыста «Еуразиялық экономикалық одақ шеңберінде дәрілік заттар айналысының бірыңғай қағидаттары мен қағидалары туралы» ҚР Заңы қабылданған болатын.