Ертӳçĕсене хатĕрлеме пулăшмалла

Самана таппипе тан утмалла, вунă çул малалла курмалла, ушкăнра ĕçлеме пĕлмелле. Сăмах ертӳçĕ пирки пырать. Пĕрлешĕвĕн тилхепине тытса пыма ансат мар. Кунта яваплăхĕ те пысăк, пĕлӳпе ăсталăхĕ те сахал мар кирлĕ. Патшалăх тата муниципалитет тытăмне ăста кадрсемпе пуянлатмалла. Çак тĕллеве пурнăçлама усламăн, тĕрлĕ учрежденин тата влаç органĕсен çыхăнса ĕçлемелле. Пурнăç пĕр вырăнта тăмасть, малаллах шăвать. Çĕнĕ компетенцисем, çĕнĕ профессисем çуралнине шута илмелле. Яшсемпе хĕрсене патшалăх тытăмне явăçтармалла. Ку енпе республикăра Чăваш Ен Пуçлăхĕ Олег Николаев пуçарнă «Карьера кунĕсем» проект пурнăçланать. Кадрсен политикин тĕллевĕ – тĕрлĕ шайри ертӳлĕх валли профессионалсем хатĕрлесси, специалистсем тупасси, вĕсен пĕлĕвне ӳстересси. Çакна тума шăпах аталанупа хаклав центрĕ пулăшмалла. ЛЮБОВЬ ИЛЬИНА: «Вĕсен ăнăçĕсене вĕренсе малалла майсем тупса парса пирĕн Чăваш Республикине аталантарма тăрăшатпăр тесе шутлатпăр. Çав вăхăтрах эпир студентсене малалла вĕрентсе студентран тухса ĕçлеме пуçласассăн пирĕн Чăваш Республикишĕн тăрăшса ĕçлеме Чăваш Республикин халăхне юратма республикăна юратма вĕрентесшĕн».