Բարեգործական հանդիպում՝ Ակբա-Կրեդիտ Ագրիկոլ Բանկի եւ ՀՀ լրագրողների ֆուտբոլային հավաքականների միջեւ

Հոկտեմբերի 2-ին՝ ժամը 17:30-ին, «Փյունիկ» ակումբի մարզադաշտում տեղի կունենա Ակբա-Կրեդիտ Ագրիկոլ Բանկի եւ Հայաստանի լրագրողների ֆուտբոլի հավաքականների բարեգործական հանդիպումը:

Ակբա-Կրեդիտ Ագրիկոլ Բանկի հավաքականի կազմում հանդես կգա Աշխարհի ու Եվրոպայի չեմպիոն Յուրի Ջորկայեֆը, իսկ Հայաստանի լրագողների հավաքականի կազմում՝ Հայաստանի ազգային հավաքականի նախկին գլխավոր մարզիչ, «Փյունիկ» ակումբի գործադիր տնօրեն Վարդան Մինասյանը:

Բարեգործական ֆուտբոլային հանդիպման ամբողջ հասույթը կուղղվի սահմանամերձ Խաչիկ գյուղի դպրոցի եւ Գավառ քաղաքի մանկատան սաների համար մարզական հանդերձանքի ձեռբերմանը:

Մուտքն ազատ է: Հանդիպման ավարտին ցանկացողները հնարավորություն կունենան ստանալու Յուրի Ջորկայեֆի ինքնագիրը: