Հովիկ Աբրահամյանն ընդունել է ԵՕԿ-ի նախագահին

Հանդիպմանը ներկա է եղել նաեւ ՀԱՕԿ-ի նախագահ Գագիկ Ծառուկյանը:

Աբրահամյանը կարեւորել է Ազգային օլիմպիական կոմիտեների ասոցիացիայի ու Եվրոպայի օլիմպիական կոմիտեի հետ ՀԱՕԿ համագործակցությունը եւ համոզմունք հայտնել, որ այն այսուհետ եւս կշարունակի դինամիկ զարգանալ:

Աբրահամյանն ընդգծել է, որ կառավարությունը մշտապես ուշադրության կենտրոնում է պահում սպորտի զարգացումը եւ առողջ ապրելակերպի խթանումը:

Հանդիպման ավարտին Պատրիկ Հիկեն վարչապետ Հովիկ Աբրահամյանին նվիրել է Եվրոպայի օլիմպիական կոմիտեն խորհրդանշող հուշանվեր: