Қарттар күніне орай 60 мыңға жуық астаналық зейнеткерге материалдық көмек көрсетіледі

АСТАНА. ҚазАқпарат - Жыл сайын 1 қазанда Қазақстанда Халықаралық қарттар күні аталып өтеді. Астана қаласы Жұмыспен қамту және әлеуметтік бағдарламалар басқармасының хабарлауынша, елорданың 58 мың зейнеткеріне (ең төмен мөлшердегі зейнетақы алушылардан басқа) жергілікті бюджет қаражаты есебінен 5 мың теңге мөлшерінде бір реттік материалдық көмек көрсетіледі, деп хабарлады қалалық әкімдіктің баспасөз қызметінен.