Иорданиялықтар Әл-Ақса мешітін қорғау үшін көшеге шықты

АММАН. ҚазАқпарат -  Мұсылмандардың үшінші қасиетті мекені саналатын Иерусалимдегі Әл-Ақса мешітіне қатысты израилдік арандатуға қарсы наразылық ретінде Амман және барша Иордания Хашимит Корольдігі бойынша басқа да қалаларда мыңдаған иорданиялықтар көшеге шықты. 15 қыркүйектен бастап өтіп жатқан демонстрацияны Иордания «Ислам іс-қимыл майданы» (ИІМ) ұйымдастырды.