Арадай Хуралай депутат Баир Гармаев: тоо бүридхэл хүдөө ажахын гаргашануудые доошолуулха

2016 ондо Буряад уласта үнгэргэгдэхэ тусхай тоо бүридхэл хүдөө ажахын һалбариин гаргашануудые доошолуулха хэрэгтэ туһатай байха зэргэтэй. Арадай Хуралай Газарай асуудалнуудай, таряалангын политикын болон эд хэрэглэмжын дэлгүүрэй талаар хорооной түрүүлэгшын орлогшо Баир Гармаевай бодомжоор, энэ ябадал гол түлэб ветеренариин управлениин ажалай гаргашануудта хабаатай.

- Хэды малтай гээшэбибди, хэды шэнээн мүнгэ Буряадай ветеренариин управлениин ажал хангалгада дамжуулха хэрэгтэйб гэхэ мэтые бидэ мэдэхэ ёһотойбди. - гээд тэрэ «Восток-Телеинформ» агентствын сурбалжалагшада дуулаба, - Аймагуудаар  мал аргалдаг врачнууд саг үргэлжэ дуталдажа байдаг. Тэдэнэй бултые эрьежэ үрдидэггүйь зүгөөрөө. Тиигээдшье айлда табан үхэр бии гэжэ бэшээтэй аад, үнэн ошоходо  һураггүй олон байжа байха. Энэ мэтые элирүүлдэг мэдээсэлнүүд нээмэл, һаруул байха ёһотой. Жэшээнь, малай врачнуудые хэды шэнээн вакцинаар хангаха хэрэгтэйб гэжэ бидэ мэдэхэа зэргэтэйбди.

Тэрэнэй үгөөр, хүдөө ажахын тоо бүридхэл федеральна харгы дээрэ ашаанай ехэ унаагай сахариг дооро орожо хосорһон малай эзэдые бэдэрхэдэшье туһатай һэн.

- Мүнөө бидэ эзэнииень элирүүлхын тулада мал бүхэн заабол чип табюулаатай байха ёһотой гээд захирнабди. Таряалан, сабшаланда ороһон малай эзэдые элирүүлхэдэ энэ тон хэрэгтэй, - гэжэ Гармаев онсолхо юм.

Мэдээсэлэй «Восток-Телеинформ» агентствын анхан мэдээсэһээр, хүдөө ажахын тоо бүридхэл Буряад орондо 2016 оной июлиин 1-һээ августын 15 болотор үнгэргэгдэхэ. Энэ хэмжээ ябуулга хүдөө ажахын эмхинүүдые, таряашадай, үмсын ажахынуудта, тэрэшэлэн сэсэрлэлгын, даачна, огород тарилгын г.м. нэгэдэлнүүдые хабаадуула юм.  

Мүнөө сагта Бурятстат эмхидэ тоо бүридхэлэй тусхай программа зохёогдожо байна. Эд хэрэглэмжын хамаг ажаябуулганууд, ажалшадай тоо, тэдэнэй байра байдал, газарай нөөсэнүүд, элдүүрилжэ, утагжуулжа ургуулһан олон жэлэй ургамалай талмай дэбисхэрнүүд, мал адууһанай тоо толгой, тэдэнэй наймаалха, үйлэдбэрилхэ арга боломжонууд тухай мэдээнүүд тэрээн дотор оруулагданхэй гэжэ уридшалан элирэнхэй. Тоо бүридхэлгын ябуулгада олоной, хубииншье мэдэлэй эмхинүүд татагдаха. Тиимэһээ энэ сагта тэдэ бүгэдые бүридхэн бэшэхэ ажал түлэг дундаа.