Буряад орондо малай хүүрнүүд республикын мэдэлдэ даалгагдахань

Буряад уласта малай эзэгүй хүүрнүүд республикын мэдэлдэ үгтэхэ. Тусхай хуулиин түсэл Арадай Хуулиин ээлжээтэ сесси дээрэ, сентябриин 24-дэ харагдаха. Мал адууһанһаа һүжэрдэг үбшэнгүүдһээ һэргылэмжын хэмжээнүүдые хараалһан тэрэ данса малай хүүрнүүдые эзэтэй болгохо асуудалые хуулиин ёһоор гуримшуулха жэшээтэй.

Арадай Хуралай Гүрэн түрын байгууламжын талаар хорооной хуралдаан дээрэ малай хүүрнүүдые республикын засагай газарай эрхэ уялгада даалгаха тухай үшөө нэгэ дохолон мүр хуулида нэмэхэ тухай дурадхал ороһон байгаа. Малай хүүрнүүдые мэдэлдээ абаха ябуулга гүрэнэй һанһаа хангагдаха түсэбтэй. Тиин хуулиин баталагдабал, республикын һанһаа энэ хэрэгтэ 2,9 сая түхэриг гаргашалагдаха болохо.

Юрэнхы дээрээ, энэ асуудал Буряад орондо нилээд эгсээр табигданхай.: республика дотор бүридхэлдэ абтаһан 179 хүүрэй оройдоол гурбаниинь эзэтэй гэжэ дансалагдаһан байна. Эзэгүй байһанһаань тэдэ бүгэдые зүб мүрөөр, мал адууһанай үбшэнгүүдые һүжэрөөнгүй хараад байха арга боломжонуудые хараалхань ехэ хэсүү гээд ойлгосотой.