Тошкентда кўп қаватли Бизнес марказига ўт кетди

18 сентябрь куни кечқурин Тошкент марказида жойлашган "Wyndham Tashkent" (собиқ "Dedeman") меҳмонхонаси ёнидаги кўп қаватли Бизнес марказига ўт кетди. Озодликка воқеа жойидан жўнатилган видео тасвирларда ёнғин бинонинг деярли барча қаватини қоплаб олганини кўриш мумкин. Ёнғинни ўчиришга ўнга яқин ўт ўчириш машинаси жалб қилинган. Ўт ўчирувчилар Бизнес марказдаги ёнғин қисқа фурсатда бартараф этилганини таъкидлашди. Талафотлар ва ëнғин сабаблари ҳозирча маълум эмас.