Բացվել է «Արմենիա էքսպո 2015» ցուցահանդեսը
0
ՀՀ նախագահ Սերժ Սարգսյանն այսօր «Երեւան Էքսպո» կենտրոնում ներկա է գտնվել «Արմենիա էքսպո 2015» ամենամյա ցուցահանդեսի բացմանը:
Ցուցահանդեսը մեկ հարթակի վրա է հավաքել հայրենական արտադրողներին (ավելի քան 100 ընկերությունների, ասոցիացիաների, միությունների եւ կազմակերպությունների) եւ արդյունաբերության ոլորտի ձեռնարկատերերին:
ՀՀ նախագահը շրջել է ցուցահանդեսի տաղավարներով, ծանոթացել հայրենական արտադրողների, արդյունաբերության ոլորտի ձեռնարկատերերի կողմից ներկայացված արտադրատեսականուն, ցուցադրված տեխնոլոգիաներին եւ ինովացիոն համակարգերին: Սերժ Սարգսյանը զրուցել է ցուցահանդեսին մասնակցող ընկերությունների ներկայացուցիչների հետ: