Քննարկվում է Վանա լճի ջուրը Ուրմիա տեղափոխելու հարցը

Ուրմիա լճի վերականգման կենտրոնի քարտուղար Իսա Քալանթարին Tasnim News գործակալությանն ասել է, որ Վանը 350 մ բարձր է Ուրմիայից, ինչը թույլ կտա իրականացնել նախագիծը՝ առանց զգալի տեխնիկական բարդությունների:

Երկու լճերի միջեւ հեռավորությունը 170 կմ է:

Երկրների միջեւ շարունակվում են տեխնիկական եւ քաղաքական բանակցությունները $1 մլրդ արժողությամբ նախագծի իրականացման շուրջ, ասել է Քալանթարին:

Ավելի վաղ Իրանի նախագահ Հասան Ռոհանին ստեղծել էր լճի փրկությամբ զբաղվող աշխատանքային խումբ:

Իրանի հյուսիս-արեւմուտքում գտնվող Ուրմիա լճի ջրի պաշարները կրճատվել են ավելի քան 70 տոկոսով: Լիճը փրկելու համար տարեկան անհրաժեշտ է 3,1 մլրդ խմ ջուր: Այսօր լճի ջրի մեկ լիտրը պարունակում է 330 գ աղ, իսկ նախկինում այդ ցուցանիշը կազմում էր 160-170 գրամ: