Тĕп юсавшăн ытларах тӳлĕпĕр

Çитес çултан нумай хваттерлĕ çуртсене тĕпрен юсассишĕн ытларах тӳлемелле пулĕ. Паян Чăвăш Республикин Министрсен Кабинечĕн ларăвĕнче тӳлевĕн пĕчĕк виçине палăртнă проекта ырларĕç. Тĕп юсавшăн тӳлемелли укçа виçи пурин те пĕр пулмасть. Енчен те çуртра лифт çук пулсан, кунти хваттер хуçисен уйăхсерен харпăрлăхри пĕр тăваткал метршăн 6 тенкĕ те 92 пус кăларса хумалла пулать. Çакă кăçалхи тӳлеврен 39 пус ытларах. Лифт пур çуртсенче пурăнкансен ытларах тăкакланмалла – 1 тăваткал метршăн 7 тенкĕ те 71 пус памалла. Ку кăçалхинчен 98 пус ытларах. Тӳлев ахальтен пысăкланмасть иккен. Чăваш Енри çуртсенчи лифтсенчен нумайăшĕ 70 процент таран кивелнĕ. Тĕпрен юсамалли республика программипе хутран хута хăпартса антаракан 4781 хатĕре улăштарма палăртнă. Вĕсенчен 483-шне çеç çĕнетнĕ. Çакă кирлин 10 проценчĕ. Лифтсене çĕнетме 5 миллиард тенкĕ ытла кирлĕ пулать. Чăваш Республикин тĕп юсав фондне çеç шанса ларсан 5-6 çултан лифтсемсĕр те тăрса юлма пултарассине, çавна май ку чăрмава пĕтерессинче Правительство та аяккинче тăрса юлманнине палăртрĕ республика ертӳçи Олег Николаев. Вăл республика хыснинчен ку тĕлĕшпе укçа уйăрасине те каларĕ