ҚФФ Төрелік ету және қадағалау департаментінің директоры «Галатасарай» - «Атлетико» матчына бақылаушы болып тағайындалды

АСТАНА. ҚазАқпарат -     15 қыркүйек күні Стамбулда Чемпиондар Лигасының топтық кезеңіндегі алғашқы турда түркиялық «Галатасарай» мен испаниялық «Атлетико» (Мадрид) матчы өтеді.  Аталған матчқа УЕФА тарапынан Қазақстан футбол федерациясының Төрелік ету және қадағалау департаментінің директоры Маттео Трефолони бақылаушы қызметіне тағайындалды. Бұл туралы Қазақстан футбол федерациясының (ҚФФ) баспасөз қызметінен хабарланды.