Şəkidə minik maşınları toqquşdu

Kanal S/Region TV xəbər verir ki, bu gün saat 17:30 radələrində Şəkidə yol qəzası baş verib. Hadisə zamanı Şəkinin Aşağı Şabalıd kənd sakini İbrahimxəlilov Xurşud Cəmaləddin oğlu idarə etdiyi 90-MR-355 dövlət nömrə nişanlı "Hyundai" markalı avtomobillə şəhərin Nəriman Nərimanov küçəsindən şəhər mərkəzinə doğru hərəkətdə olarkən idarəetməni itirib. Nəticədə avtomobil yol kənarında hərəkətsiz dayanmış, Şəki şəhər sakini Mustafayev Mahir Fərrux oğluna məxsus 90-KV-085 dövlət nömrə nişanlı "Volkswagen" markalı avtomobilə çırpılıb.