Қуйичирчиқда пахтасиз далага ташланган ҳашарчига 60 кило норма қўйилди

Тошкент вилояти Қуйичирчиқ туманида бўлган ўзбекистонлик ҳуқуқ фаоли Елена Урлаева пахтага ихтисослашмаган туманда бу йил ҳосил озлиги, шунга қарамай ҳашарчиларга 60 кило норма қўйилганини хабар қилди. У нормани бажармаганлардан ўтган йилгидек килосига 300 сўмдан пул талаб қилинишидан хавотир билдирди. Фаол пахта тераётганлар "бюджетчилар" орасида "ота-онасига кўмаклашаётган болалар"ни кўрганини ҳам қайд этди.