Մոլդովայում ցուցարարները պահանջում են նախագահի և կառավարության հրաժարականը

Առնվազն 20 հազար քաղաքացիներ բողոքի ակցիա են անցկացնում Մոլդովայի մայրաքաղաք Քիշնևում՝ պահանջելով նախագահ Նիկոլաե Տիմոֆտիի և կառավարության հրաժարականը։


Բողոքի ակցիաները հետևում են բանկային համակարգում խարդախությունների վերաբերյալ բացահայտումներին, որոնց հետևանքով 1 միլիարդ դոլար է անհետացել:


Ցուցարարները նաև պահանջում են մարտին արտահերթ խորհրդարանական ընտրություններ անցկացնել: