Հոսանքի թանկացման չեղարկումը պահանջող ցուցարարները կրկին փակեցին Բաղրամյան պողոտան
Էլեկտրաէներգիայի թանկացման դեմ պայքարող հարյուրավոր ցուցարարներ այսօր կրկին փակեցին Երևանի Բաղրամյան պողոտան՝ պահանջելով չեղարկել հոսանքի ավելի քան 17 տոկոս թանկացումը։ Նրանք այս պահին շարունակում են մնալ պողոտայում և կոչ են անում մյուսներին միանալ իրենց։
Ազատության հրապարակում անցկացված հանրահավաքին հետևեց ցուցարարների երթը։ Ըստ քաղաքապետարանի արտոնագրի՝ երթը պետք է անցկացվեր Սայաթ-Նովա, Աբովյան, Ամիրյան փողոցներով և Մաշտոցի պողոտայով, ավարտվեր Ազատության հրապարակում, սակայն ակտիվիստները շեղվեցին նախապես արտոնված երթուղուց և վազելով մտան Բաղրամյան պողոտա։ Պողոտայի սկզբնամասում ցուցարարներին դիմավորեց ոստիկանական պատը: Այս պահին պողոտան շարունակում է փակ մնալ, ոստիկանությունը ցուցարարներին թույլ չի տալիս առաջ գնալ:
Կազմակերպիչներն ասում են, որ այս անգամ պայքարելու են այնքան ժամանակ, մինչև սակագինը բարձրացնելու որոշումը չեղարկվի։ «Ո՛չ թալանին» նախաձեռնության անդամ Մաքսիմ Սարգսյանը վստահեցրել էր, որ քաղաքացիներն անօրինական գործողությունների չեն դիմի:
Հուլիսին Բաղրամյան պողոտայի ցույցերը նախաձեռնած «Ո՛չ թալանին» նախաձեռնությունը հայտարարել էր, որ իշխանություններն իրենց խաբել են։ Հայաստանում օգոստոսի 1-ից ուժի մեջ է մտել էլեկտրաէներգիայի սակագնի բարձրացման որոշումը: Թեև կառավարությունը հայտարարել էր, որ սակագնի ավելացված 6.93 դրամը կսուբսիդավորվի արտաբյուջետային միջոցներից՝ «Որոտան» կասկադի վաճառքի գումարից, սակայն վարչապետ Հովիկ Աբրահամյանը հստակեցրել է, որ սուբսիդավորում կտրամադրվի միայն քաղաքացիներին և ամսական մինչև 500 կՎտ էներգիա ծախսող փոքր և միջին ձեռնարկություններին։
Մանրամասներն՝ այստեղ
Ազատության հրապարակում անցկացված հանրահավաքին հետևեց ցուցարարների երթը։ Ըստ քաղաքապետարանի արտոնագրի՝ երթը պետք է անցկացվեր Սայաթ-Նովա, Աբովյան, Ամիրյան փողոցներով և Մաշտոցի պողոտայով, ավարտվեր Ազատության հրապարակում, սակայն ակտիվիստները շեղվեցին նախապես արտոնված երթուղուց և վազելով մտան Բաղրամյան պողոտա։ Պողոտայի սկզբնամասում ցուցարարներին դիմավորեց ոստիկանական պատը: Այս պահին պողոտան շարունակում է փակ մնալ, ոստիկանությունը ցուցարարներին թույլ չի տալիս առաջ գնալ:
Կազմակերպիչներն ասում են, որ այս անգամ պայքարելու են այնքան ժամանակ, մինչև սակագինը բարձրացնելու որոշումը չեղարկվի։ «Ո՛չ թալանին» նախաձեռնության անդամ Մաքսիմ Սարգսյանը վստահեցրել էր, որ քաղաքացիներն անօրինական գործողությունների չեն դիմի:
Հուլիսին Բաղրամյան պողոտայի ցույցերը նախաձեռնած «Ո՛չ թալանին» նախաձեռնությունը հայտարարել էր, որ իշխանություններն իրենց խաբել են։ Հայաստանում օգոստոսի 1-ից ուժի մեջ է մտել էլեկտրաէներգիայի սակագնի բարձրացման որոշումը: Թեև կառավարությունը հայտարարել էր, որ սակագնի ավելացված 6.93 դրամը կսուբսիդավորվի արտաբյուջետային միջոցներից՝ «Որոտան» կասկադի վաճառքի գումարից, սակայն վարչապետ Հովիկ Աբրահամյանը հստակեցրել է, որ սուբսիդավորում կտրամադրվի միայն քաղաքացիներին և ամսական մինչև 500 կՎտ էներգիա ծախսող փոքր և միջին ձեռնարկություններին։
Մանրամասներն՝ այստեղ