Հայաստանի թիմը Գրիգորյանի անվան մրցաշարում գրավել է 1-ին տեղը
Mediamax Sport-ի թղթակցին սուսերամարտի ֆեդերացիայի գլխավոր քարտուղար Արտաշես Մադոյանն ասել է, որ միայն հայ մարզիկներին է հաջողվել 2 ոսկե մեդալ նվաճել:
Մրցութային վերջին օրը մեդալներ են խաղարկել խոցասուսեր ձեւում: Տղաների պայքարում հաղթող է դարձել Էդուարդ Հովիկյանը: Նրան հաջորդել է Արթուր Քոչարյանը, իսկ 3-րդ տեղը զբաղեցրել են Վլադիսլավ Բարոեւն (Ռուսաստան) ու Ռազմիկ Վարդանյանը:
Աղջիկներից անգերազանցելի է եղել ԱՄՆ-ն ներկայացնող հայ մարզուհի Նիկոլ Հակոբը, պատվոհարթակի մյուս աստիճաններին էլ կանգնել են Ֆատիմա Ժոնկինան (Ռուսաստան), Մարիա Զավիրչենկոն եւ Աննա Մելինան (երկուսն էլ Վրաստան):
Առաջին օրը սուսերամարտիկները պայքարել են ճկասուսեր ձեւում: