Apple-ի շնորհանդեսը․Կուպերտինյան ընկերությունը ներկայացրեց իր գլխավոր նորույթները
Սան Ֆրանցիսկոյի Բիլ Գրեհեմի անվան դահլիճը սեպտեմբերի 9-ին լեփ-լեցուն էր․ամերիկյան Apple ընկերությունը ներկայացնում էր իր գլխավոր նորույթները։ Նոր սմարթֆոններ, ամեն ինչով հիասքանչ iPad Pro պլանշետ, Apple TV կցորդ․2015թ-ի «խնձորային բերքահավաքը» կարելի է համարել կայացած։ Ավանդաբար, չհավակնելով «հեղափոխական» ու արմատական փոփոխությունների իր տեխնոլոգիաներում, Apple-ն, այդուհանդերձ, կարողացավ զարմացնել ու ուրախացնել հարմարավետ նորամուծություններով։