Հայաստանն ու ԵՄ-ն շարունակում են աշխատել համաձայնագրի շուրջ
«Մենք փնտրում ենք մի համակարգ, որի պարագայում բոլոր կամուրջները չեն փլուզվի: Մենք գիտակցում ենք, որ ասոցացման մասին համաձայնագիրը հնարավոր չէ: Բոլորը պատրաստ են գտնելու ավելի դյուրին տարբերակ, որը պակաս պահանջկոտ կլինի»,- Ժան Ասլեբորնի խոսքը մեջբերում է «Սպուտնիկ» գործակալությունը:
ԵՄ-ում նախագահող Լյուքսեմբուրգի ԱԳ նախարարն այս մասին ասել է ԵՄ պետությունների ԱԳՆ ղեկավարների հետ ոչ պաշտոնական հանդիպումից հետո:
«Մենք Հայաստանին առաջարկություն ենք արել, եւ Հայաստանը դրական է արձագանքել»,- հայտարարել է նախարարը:
Ժան Ասելբորնն ասել է, որ նոր համաձայնագիրը, որը դեռ մշակման փուլում է, մաքսային արտոնություններ չի նախատեսելու: