Հայաստան-Դանիա. Հանրապետական ստադիոնում առաջին կեսից հետո 0:0 է
Հայ ֆուտբոլիստները հյուրընկալում են Դանիայի հավաքականին, ու առաջին խաղակեսից հետո հաշիվը դեռ չի բացվել:
Առաջին իսկ րոպեներից Հայաստանի ընտրանու դարպասի մոտ արդեն թեժ էր: Նախ դանիացիները վտանգավոր տուգանային իրացրին, այնուհետեւ՝ անկյունային:
Սակայն րոպեներ անց խաղի պատկերը կտրուկ փոխվեց, ու արդեն գրոհներ անցկացնելու հերթը հայերինն էր: Նրանք պաշարել էին Կասպեր Շմեյխելի դարպասն ու մեկը մյուսի հետեւից վտանգավոր պահեր էին ստեղծում, սակայն խաղատախտակի վրա շարունակում էին 0-ներ վառվել:
Դանիայի ընտրանին, որն ի տարբերություն Հայաստանի, դեռ պայքարում է Եվրոպայի առաջնության եզրափակիչ դուրս գալու համար, չի շտապում ու կտրուկ գործողությունների չի դիմում: