Azərbaycan Rusiya qaz kəmərinin təhlükəsizliyini təmin edəcək

Day.Az представляет новость на азербайджанском языке.Azərbaycan Milli Elmlər Akademiyasının (AMEA) İdarəetmə Sistemləri İnstitutunun (İST) "Robust Noise Monitoring" (RNM) diaqnostika və idarəetmə monitorinq sistemi Rusiyanın tikdiyi "Sibirin gücü" magistral qaz kəmərinin təhlükəsizliyini təmin edəcək. Milli.AzTrend-ə istinadən xəbər verir ki, qaz kəməri Yakutiya qazının Primorsk diyarına və Asiya-Sakit okeanı regionuna tədarükü üçün istifadə olunacaq. Qaz kəmərinin təhlükəsizliyini təmin etmək üçün RNM-in tətbiq edilməsi layihəsini İST-in Sankt-Peterburq Elmlər Akademiyasının Arktika Cəmiyyəti ilə daha əvvəl əldə etdiyi razılaşmaya əsasən reallaşdırmaq planlaşdırılır.