Қазақ-Қытай экономикалық байланысы жаңа деңгейге көтерілді - Апталық шолу

АСТАНА. ҚазАқпарат - Бұған дейін Қазақстан мен Қытай арасындағы экономикалық алыс-беріс негізінен көрші мемлекеттің біздің еліміздің мұнай мен газ, металл сынды шикізаттық ресурстарын сатып алуымен ғана шектеліп келген болатын. Ендігі уақытта бұл байланыстар мүлдем жаңа деңгейге көтеріліп, тараптар Қазақстан жерінде бірлескен кәсіпорындар құру арқылы соңғы өнім шығаруға бағытталған нысандар салмақ. Мұндай келісімге Елбасы Нұрсұлтан Назарбаевтың Қытай еліне жасаған мемлекеттік сапары аясында қол жеткізілген еді.