С.Максимов ячĕллĕ музыка шкулĕ çитĕнӳсемпе савăнтарать

1920-мĕш çулта Шупашкрата ача-пăча валли пĕрремĕш музыка шкулĕ уçăлнă. 1965-мĕш çултанпа вăл Степан Максимов ячĕпе хисепленме пуçланă. Тĕрлĕ çулсенче унтан Григорий Хирпӳ, Геннадий Воробьев, Виктор Ходяшев композиторсем, паллă музыка ĕçченĕсем вĕренсе тухнă. Паянхи кун та унăн чапĕ, сумĕ сӳнмест. Кунти ачасем çĕршыври тата тĕнче шайĕнчи конкурссенче мала тухаççĕ.