Çÿллĕ те хăвăрт вĕçет
Хальхи технологисем кунран-кун вăй илнĕ тапхăрта çитĕнекен ăру та çĕнĕлĕхпе инноваци енне туртăнать. Вĕсен кăсăклăхне тĕпе хурса пĕлÿ çурчĕсенче хушма уроксем ирттереççĕ, ăмăртусем йĕркелеççĕ. Сăмахран, Шупашкарти «Кванториум» технопаркра пилотсăр вĕçекен хатĕр – квадрокоптер хăвăртлăхĕн чемпионачĕ иртрĕ. Унта республикăри шкул ачисем тупăшрĕç.