Культура кадрĕсене хатĕрлесси — тĕпре

«Культура» наци проекчĕпе килĕшӳллĕн республикăри муниципалитетсенче культура çурчĕсене, музейсене, вулавăшсене юсас ĕç малалла пырать. Республика Пуçлăхĕ Олег Николаев ял, районсенче çĕклекен культура вучахĕсем ан сӳнччĕр тесе çĕнĕ кадрсем хатĕрлесси пирки Патшалăх Канашне янă Çырура та каланăччĕ. Ку ыйтупа культура министерстви тĕллевлĕ ĕçлеме палăртнă. Кун пирки иртнĕ çула пĕтĕмлетсе ирттернĕ коллеги ларăвĕнче калаçрĕç.