Ырă кăмăллă ачасене ӳстересси — тĕпре пулĕ

2020 çул вĕрентӳ тытăмĕшĕн çăмăлах пулмарĕ. Кĕске хушăра ĕçе дистанци мелĕпе йĕркелеме тиврĕ. Шкул ачисем те, вĕрентекенсем те — çак тĕрĕслев витĕр тухрĕç, çакна паян çирĕплетсех калама пулать. Вĕрентӳ министрĕ Алла Салаева çулталăк кăтартăвĕсемпе паллаштарас тĕллевпе пресс-конференци ирттерчĕ.  Сăмах май, унта та он-лайн мелпе хутшăнакансем пулчĕç.