Бокуда МДҲ га аъзо давлатлар мудофаа вазирлари кенгашининг йиғилиши бўлиб ўтди. Унда Озарбайжон Президенти ҳам иштирок этди
30 октябрь куни Боку шаҳрида Мустақил Давлатлар Ҳамдўстлига аъзо мамлакатлар мудофаа вазирларни кенгашининг 77-саммити бўлиб ўтди. Бу хақида Халқ сўзи ёзмоқда. Унда Россия мудофаа вазири армия генерали Сергей Шойгу, Озарбайжон мудофаа вазири генерал-полковник Закир Гасанов, Ўзбекистон мудофаа вазири генерал-майор Баҳдодир Қурбонов, Беларусь Республикаси мудофаа вазири генерал-лейтенант Андрей Равков, Қозоғистон мудофаа вазири генерал-майор Нурлан Ермекбаев, Тожикистон мудофаа вазири генерал-полковник Шерали Мирзо, Қирғизистон Қуролли Кучлари Бош штаби бошлиғи генерал-майор Райимберди Дуйшенбиев, МДҲ ижрочи котиби Сергей Лебедев иштирок этди. Асосий йиғилиш олдидан мудофаа вазирлари Боку шаҳридаги “Шаҳидлар майдони”да бўлиб, “Мангу олов” монументи пойига гулчамбар қўйди ва мамлакат ҳудудий яхлитлиги йўлида жон фидо қилган озар ҳарбий хизматчиларига ҳурмат бажо келтирди. МДҲ га аъзо давлатлар мудофаа вазирларининг кенгашида Озарбайжон президенти Илҳом Алиев ҳам иштирок этди. Шунингдек, вазирлар “Халқаро армия ўйинлари – 2019” натижаларини сарҳисоб қилиб, МДҲ ҳарбий кучлари учун офицер кадрлар тайёрлаш ҳамда “Илмнинг бошланиши” халқаро илмий ғоялар фестивалининг ўтказишни муҳокама қилдилар. Иккинчи жаҳон урушида эришилган ғалабанинг 75 йиллигини нишонлашга бағишланган алоҳида суҳбат бўлиб ўтди. Мудофаа вазирлиги Ахборот ва оммавий коммуникациялар департаменти