«Қазақстан» телеарнасында «Роза шақырады» атты ірі музыкалық шоу басталады

Бағдарламаның басты жұлдызы - отандық сахнаның примадоннасы, танымал тұлға – Роза Рымбаева. Ол телевизиялық жобаның иесі ғана емес, бас кейіпкері. Барлық жоба жанды дауысқа құрылған! Бағдарламаның әр шығарылымында көрермендер тосын нөмірлерге, күтпеген тың дуэттерге және басқа да қызықты қойылымдардың куәсі болады.

Тележоба барысында отандық шоу-бизнес өкілдері: танымал әншілер, әртістер, актерлар, сазгерлер өз шығармашылығының және өмірінің қызықты тұстарымен көрермендермен бөліседі. Сүйікті де танымал әншілеріңіз, сазгерлер және композиторлар өз әндері мен туындыларын жанды аккомпанементте орындайды.

Танымал орындаушылармен қатар, әрбір бағдарламалада жаңа жұлдыздың аты белгілі болады. Шоу барысында Роза Рымбаева қазақстандықтарға жаңа орындаушыларды, композиторларды, сықақшыларды таныстырады.

Кешті Роза Қуанышқызымен бірге Әли Оқапов пен Рүстем Нұржігіт жүргізеді.