Аяншалагшад агнахаа ерэнэ
2010 онһоо 2014 он хүрэтэр манай Буряад Республикада 6 мянган Россин болон хари гүрэнүүдэй аяншалагшад агнахаа ерэһэн байна. “Агнуурин болон агнуурин дэбисхэр харууһалха” тухай Буряад Республикын Хуулиин гуримаар, иигэжэ түлбэритэ ажал ябуулагдана. Буряад Республикын байгаали хамгаалгын албанай хүтэлбэрилэгшэ Сергей Щепинай мэдээсэһээр, түлбэритэ аяншалга 2014 ондо 84 миллион түхэригтэ хүрөө. Энээн тухай Буряад Республикын Арадай Хуралай зүблөөндэ хэлсэгдэбэ.
Сергей Щепинэй хэлэһээр, һүүлэй табан жэл соо республикан доторной агнуурин аяншалга эмхидхэхын тула яһала ехэ ажал хэгдэнхэй. 2020 он хүрэтэр тусхай программа бэелүүлэгдээд нэбтэрүүлэгдэжэ эхтлэнхэй. Мүн тиихэдэ аяншалга бүтээдэг бүлгэмүүдээр нягта харилсаа холбоон тогтоогдоо. Энэ хэрэг ябуулхын тула Буряадтамнай шэнэ зочид буудалнууд бодхоогдоно, аяншалгын газарнууд һэльбэн шэнэлэгдэнэ, агнуурин хэрэгсэлнүүд һэлгэгдэнэ. Һүүлэй табан жэл соо тус хэрэг урагшатайгаар ябуулагдахын тула 116 миллион тзхэриг оруулагдаа.