Azərbaycanın Misirdəki səfiri Xocalı soyqırımı haqqında danışdı

Day.Az представляет новость на азербайджанском языке.2015-ci ilin fevral ayının 23-də Xocalı Soyqırımının 23-cü ildönümü ilə əlaqədar AR-ın Misirdəki səfiri Ş.Abdullayev Misirin geniş tamaşaçı auditoriyasına malik olan "Nil Əl-Əxbar" televiziya kanalına müsahibə vermişdir. Proqramın əvvəlində aparıcı tərəfindən Azərbaycanın coğrafi və siyasi vəziyyəti barədə məlumat verilərək, Misir-Azərbaycan əlaqələrinin inkişaf dövrünə toxunulmuş, 26 fevral tarixində Azərbaycan xalqının Xocalı soyqırımının 23-cü ildönümünü qeyd etdiyi vurğulanaraq, Xocalı qətliyamı zamanı erməni silahlı qüvvələri tərəfindən törədilmiş vəhşiliklər barədə məlumat verilmiş, cari ilin 20 fevral tarixində Misirin Qahirə universitetinin tələbələri tərəfindən "Əl-Əzhər" parkında "Xocalıya ədalət!" kompaniyası adı altında yürüş keçirilməsi, şəhidlərin xatirəsini əziz tutmaq məqsədilə şamlar yandırılması xüsusilə qeyd edilmişdir. AR-ın səfiri Ş.Abdullayev veriliş zamanı cari ilin 15 fevral tarixində Liviyada iyirmi bir misirlinin terror təşkilatı "İŞİD" tərəfindən vəhşicəsinə qətlə yetirilməsini pisləyərək, Misir xalqına və qətlə yetirilən şəxslərin ailələrinə dərin hüznlə başsağlığı vermiş, digər tərəfdən Azərbaycanın terrordan əziyyət çəkən, eyni zamanda terrora məruz qalan ölkə olduğunu qeyd edərək, ölkəsinin terrorun bütün forma və təzahürlərinə qarşı olduğunu bildirmişdir.