Эндиликда тезликни 5 километрдан ошиқ бўлганини кўрсатган тақдирдагина маъмурий баённома тузилади

Йўл ҳаракати қоидаларининг бузилишига доир маъмурий ишларни кўриб чиқиш тартиби тўғрисидаги йўриқнома Адлия вазирлигида рўйхатдан ўтказилган деб хабар қилмоқда Хуқуқ тарғибот Ижтимоий канали. Йўриқномада ички ишлар органлари томонидан йўл ҳаракати қоидалари бузилишига доир маъмурий ишларни кўриб чиқиш тартиби белгилаб берилган. Хусусан йўриқномага мувофиқ, ҳайдовчи белгиланган тезликни ошириб юборганда тезликни ўлчайдиган махсус ускуналар ва транспорт воситалари спидометрлари кўрсаткичларидаги йўл қўйилиши мумкин бўлган жами нуқсонлар жамланган ҳолда ҳисобга олиниши керак. Тезликни ўлчайдиган ускуна рухсат этилган тезликдан соатига 5 километрдан ошиқ бўлганини кўрсатган тақдирдагина маъмурий баённома тузилади.