Ытык Оһуохай бастыҥ этээччилэрэ билиннилэр
Бүгүн, бэс ыйын 30 күнүгэр, Туймаада Ыһыаҕын чэрчитинэн икки түһүмэхтээх күрэс кэннэ Улуу Туймаада Оһуохайын бастыҥ этээччитин быһаары буолла. Уопсайа 55 кыттааччыттан финалга 17 этээччи хаалан жеребьевка быһыытынан этиэхтээх сүрүн тиэмэтин талан, Оһуохайын дуоратта. Дьүүллүүр сүбэ (Бэрэссэдээтэл — Оһуохай түмсүү салайааччыта Александр Джурович Данилов — Дьулуур Хан, чилиэттэр: Аар Дархан этээччи Розалия Тихонова, […]
Сообщение Ытык Оһуохай бастыҥ этээччилэрэ билиннилэр появились сначала на Сетевое издание SAKHALIFE.RU.
Бүгүн, бэс ыйын 30 күнүгэр, Туймаада Ыһыаҕын чэрчитинэн икки түһүмэхтээх күрэс кэннэ Улуу Туймаада Оһуохайын бастыҥ этээччитин быһаары буолла.
Уопсайа 55 кыттааччыттан финалга 17 этээччи хаалан жеребьевка быһыытынан этиэхтээх сүрүн тиэмэтин талан, Оһуохайын дуоратта.
Дьүүллүүр сүбэ (Бэрэссэдээтэл — Оһуохай түмсүү салайааччыта Александр Джурович Данилов — Дьулуур Хан, чилиэттэр: Аар Дархан этээччи Розалия Тихонова, Дархан этээччилэр Валентин Хорунов, Марта Николаева)
барыларын истэн баран бэйэтин түмүгүн бу курдук таһаарда:
— Үһүс миэстэ (бирииһэ — Мобишоп маҕаһыынтан 50 тыһыынча сууммалаах сертификат) — Мария Иванова (Дьокуускай),
— Иккис миэстэ (бирииһэ — Мобишоп маҕаһыынтан 50 тыһыынча сууммалаах сертификат) — Владимир Дормидонтов, Сунтаар,
Бастыҥ этээччи аакка уонна 150 тыһыынчалаах сууммалаах бириискэ тигистилэр:
— Денис Оконешников (Мэҥэ-Хаҥалас), Уйгулаах Саарын Кыыһа Күбэйэ (Дьокуускай), Евдокия Захарова (Сунтаар).
Сүүрбэччэ финалга тахсыбыт кыттааччыга араас анал аат туттарылынна.
Александр Данилов — Дьулуур Хан, Оһуохай түмсүү салайааччыта:
— Быйылгы күрэхпит олох үрдүк таһымҥа таҕыста. Ол курдук Өрөспүүбүлүкэ араас муннугуттан этээччилэр кэлэн кыттан биһигини үөртүлэр. Ытык Оһуохайбытын илдьэ сыллар, сайыннарар биһиги дьоммутугар уонна Ил Дархаммытыгар Айсен Сергеевич Николаевка, Дьокуускай куорат аҕа баһылыгар Евгений Николаевич Григорьевка махталбытын тиэрдэбин уонна өссө даҕаны кэскиллэнэ турдун диэн баҕа санаалаахпын! Домм!
Сообщение Ытык Оһуохай бастыҥ этээччилэрэ билиннилэр появились сначала на Сетевое издание SAKHALIFE.RU.