Татарстанда аномаль салкыннар аркасында шторм кисәтүе игълан ителде

Татарстанда аномаль салкын һава торышы сишәмбегә, 27 гыйнварга кадәр дәвам итәчәк. Республикада шторм кисәтүе игълан ителде. Бу хакта Гидрометеорология үзәгенә сылтама белән «Татар-информ» яза.

Бу көннәрдә республикада уртача тәүлеклек температура нормадан 9-14 градуска түбән була, дип хәбәр итә синоптиклар.

25 һәм 26 гыйнварда төнлә һәм иртән температура -24, -29, уйсу җирләрдә һәм язганда -30, -35 градуска кадәр төшә. Көндез исә -16, -22 градус була (25 гыйнварда урыны белән -26).

27 гыйнварда төнлә һәм иртән -21..-26 градус көтелә (республиканың көнчыгыш өлешендә -32). Көндез температура -10, -15 градуска кадәр күтәрелә (көнчыгыш районнарда -18).