Авыл хуҗалыгы министрлыгы 2025 елга бөртекле культуралар уңышын фаразлады
Россия Федерациясе Авыл хуҗалыгы министрлыгы бөртекле һәм кузаклы культуралар уңышына карата фаразларын чыгарды. Урып-җыю эшләре вакытында һава торышы яхшы булган очракта, уңыш 135 миллион тонна дәрәҗәсендә сакланып калыр, дип хәбәр иттеләр журналистларга ведомствоның матбугат хезмәтендә. Бу хакта РИА Новости яза.
«Авыл хуҗалыгы министрлыгы бөртекле һәм кузаклы культуралар уңышын урып-җыю чорында һава шартлары яхшы торган очракта 135 миллион тонна дәрәҗәсендә фаразлый», - диелә хәбәрдә.
«Агымдагы елда илнең көньягындагы аерым төбәкләрдә, аерым алганда, Ростов өлкәсендә, Кырым Республикасында һәм Краснодар краеның кайбер районнарында бөртекле культуралар уңышы өчен һава торышы уңай булмады», - дип хәбәр иттеләр шулай ук ведомствода.
«Шуның белән бергә Үзәк, Идел буе, Төньяк Кавказ федераль округларының күпчелек регионнарында, шулай ук Көньяктагы аерым төбәкләрдә (Адыгея, Волгоград) уңыш узган елгы күрсәткечләрдән югарырак», – дип белдерә Авыл хуҗалыгы министрлыгы, диелә хәбәрдә.