Баянчы Ильяс Шәрипов әти булган

Баянчы, халыкара бәйгеләр җиңүчесе, Кариев театры актеры Ильяс Шәрипов беренче тапкыр әти булган. Тормыш иптәше Гөлшаһидә аңа малай бүләк иткән. «Төкле аягың белән, улыбыз! Бүген тәүге тапкыр әти-әни булган көнебез», – дип язды музыкант үзенең сәхифәсендә.

Сабый, әти-әнисенең туй көненә бүләк булып, 28 июль көнне дөньяга аваз салган. Ильяс белән Гөлшаһидә узган ел шундый ук матур июль аенда никахларын рәсмиләштергәннәр иде.

• Театр артисты, баянчы Ильяс Шәрипов өйләнгән, дип язган идек.

Ильяс белән Гөлшаһидә сәхнәдәш дусларыннан һәм язылучыларыннан бик күп котлаулар кабул иткәннәр.

«Бәхетле, сау-сәламәт сабый булсын», «Тигезлектә, сөенеп үстерергә язсын», «Үз әти-әнисе канаты астында, бәхетле булып, якыннары янәшәсендә, куанычлар гына китереп үссен», «Үрнәк әти-әни булырга язсын сезгә», – диләр аларга.