Հուսիտների «սոլիդարության հարձակման» հետևանքով Թել Ավիվում 16 մարդ է վիրավորվել

Առավոտյան իսրայելական զինված ուժերը հայտարարել են, որ իրենց չի հաջողվել որսալ Յեմենի պրոիրանական հուսիտական խմբավորման արձակած հրթիռը։ Այն ընկել է Թել Ավիվի Յաֆֆա թաղամասում։

AFP-ի տվյալներով տուժել է 16 մարդ՝ հիմնականում թեթև բեկորային վիրավորումներ։ Հարյուրավոր մարդիկ տարհանվել են։ Վերջին օրերին սա արդեն երկորրդ հրթիռային հարձակումն է։ 

Հուսիտների ներկայացուցիչն ասել է, որ խմբավորման նպատակը բալլիստիկ հրթիռի միջոցով Յաֆֆա շրջանում տեղակայված ռազմական օբյեկտի ոչնչացում էր։ 

Դեկտեմբերի 19-ին Իսրայելը տասնյակ հարվածներ էր հասցրել Եմենի այն նավահանգիստներին և էներգետիկ ենթակառուցվածքներին, որոնք գտնվում են հուսիտների վերահսկողության տակ։ Ավելի ուշ իսրայելական ուժայինները հայտարարել էին, որ անհրաժեշտության դեպքում կթիրախավորեն նաև այլ տեսակի օբյեկտներ։

Իրանի աջակցությունը վայելող հուսիտները վերջին տարիներին հաճախ են հրթիռներ արձակում Իսրայելի ուղղությամբ։ Նրանք դա անվանում են «սոլիդարության հարձակումներ»՝ ի նշան Գազայի պաղեստինցիների հետ համերաշխության։ 

The post Հուսիտների «սոլիդարության հարձակման» հետևանքով Թել Ավիվում 16 մարդ է վիրավորվել first appeared on Epress.am.