«Укучылар ярата иде» – Укытучы авариядә һәлак булган, хатыны хастаханәдә

Башкортстанда көллият укытучысы юл һәлакәтендә үлгән. Бу турыда «Башинформ» хәбәр итте.

Дуван күп профильле көллиятенең Малаяз авылындагы филиалы укытучысы Александр Чванов авариядә үлгән, «На земле Салавата» басмасы белешмәсе буенча, ул быел җәй 55 яшьлек юбилеен бәйрәм иткән.

Юл һәлакәте кичә кич Кропачево – Мәсәгут юлында була. Биредә «Лада Ларгус» белән «Семерка» бәрелешә. Александр Чванов «Семерка» белән идарә иткән. Ул имгәнгән һәм Мәсәгут үзәк район хастаханәсендә үлгән.

Аның хатыны да хастаханәдә.

Александр Иванович махсус дисциплиналар укыта, юл кагыйдәләре дәресләре алып бара.

Хезмәттәшләре аның бик кызыклы дәресләр алып баруын, укучылар аны яратуын, хезмәттәшләре хөрмәт итүен билгели.

Александр Чвановның 2 олы баласы – улы һәм кызы, оныклары бар, диелә хәбәрдә.