Илназ Бах әнисе турында яза: «Югалткач кына аңладым...»

Җырчы Илназ Бахның әнисе вафат булган дип хәбәр иткән идек. Аның тормыш иптәше Гүзәл Идрисова сүзләренчә, җырчының якын кешесе соңгы вакытта авырып торган.

Илназ Бха әнисен юксынуы турында сторисларында яза, әнисенең тәмле ризыкларын, озаклап сөйләшеп утыруларын искә ала.

• Гүзәл һәм Илназ Бах гаиләсендә авыр кайгы

«Әни белән чәй эчә идек кара-каршы утырып. Хәлләрне, балаларның хәлләрен сорашып алгач, машинада тиз йөрисең» дип орышып, яки мактап алыр иде.

Тутырып тәлинкәсенә ашын салыр иде, табагы белән ит, бәрәңге булыр иде, иң яраткан ризыгым – әни ясаган шуба салаты, ә балаларның – әни пешергән коймак. Әни куллары белән пешергәнгәдер, нинди генә ризык та иң тәмлесе була иде.

Әниегез каршы ала алса, кайтыгыз… Шунысын менә хәзер, югалткач кына аңладым...» – дигән ул.