2024թ․–ի 9 ամսում զբոսաշրջիկների ներհոսքը Հայաստանը նվազել է 6,9%–ով․ նախարար

p bԵՐԵՎԱՆ, 28 հոկտեմբերի․/ԱՌԿԱ/․/b 2024 թ․–ի առաջին 9 ամիսների ընթացքում զբոսաշրջիկների ներհոսքը Հայաստան նվազել է 6,9 տոկոսով, հայտնեց ՀՀ ֆինանսների նախարար Վահե Հովհաննիսյանը։/pp nbsp;«Հունվար-սեպտեմբերին Հայաստան այցելած զբոսաշրջիկների թիվը նվազել է 6,9%-ով, ինչը հիմնականում պայմանավորված է Ռուսաստանից այցելուների 21,6%-անոց նվազմամբ։ Այլ երկրներից ժամանած զբոսաշրջիկների թիվն աճել է մոտ 8,4%-ով, ինչին նպաստել են Իրանից, Հնդկաստանից և Չինաստանից ժամանած զբոսաշրջիկները»,- ասաց Հովհաննիսյանը՝ ելույթ ունենալով խորհրդարանում բյուջետային քննարկումների ժամանակ։br/pp Միաժամանակ նախարարը նշեց, որ իր ունեցած տեղեկությունների համաձայն՝ Հնդկաստանից ժամանած աշխատանքային միգրանտների թիվը նվազել է։/pp ՀՀ էկոնոմիկայի նախարարության Զբոսաշրջության կոմիտեի տվյալներով՝ այս տարվա առաջին 9 ամիսներին Հայաստան է այցելել շուրջ 1 մլն 722,6 հազար զբոսաշրջիկ։ 2023 թվականի նույն ժամանակահատվածի համեմատ անկումը կազմել է 6,88% (այն ժամանակ գրանցվել է գրեթե 1 մլն 850 հազար զբոսաշրջային այցելություն)։ Ամենաշատ զբոսաշրջիկները Հայաստան են ժամանում Ռուսաստանից (43%), Վրաստանից (12%), Իրանից (8%), ինչպես նաև ԱՄՆ-ից (3%) և Հնդկաստանից (2%)։/p