Танып та булмый: мәетләре бер елга якын бикле фатирда торган

Чаллының 27 нче комплексының тугыз катлы йортында мумификацияләнгән калдыклары табылган ике өлкән яшьтәге хатын-кыз турында шаккатыргыч хәлгә нокта куелды. Хәзер алар шәһәр зиратында җирләнгән.

«Челнинские известия»гә билгеле булганча, танылган педагогны һәм аның апасын җирләү белән якын туганнары шөгыльләнгән. Безнең чыганак мәгълүматы буенча, ул озак вакыт алар белән сөйләшми йөргән. Татулашырга карар кыла, ләкин апаларына шалтыратып булмый, һәм ул полициягә ярдәм сорап гариза белән мөрәҗәгать итә.

Өченче каттагы фатирга ишекне оперуполномоченный катнашында ачканнар, шул вакытта торакта гаилә зиратына охшаш күренеш барлыкка килүе ачыкланган.

Мумификацияләнгән гәүдәләр озак еллар «Этюд» спорт мәктәбендә эшләгән 78 яшьлек Ольга Сергеевна һәм 74 яшьлек Татьяна Сергеевна калдыклары булып чыкты. Берсе ванна бүлмәсендә, икенчесе карават янында үлгән. Үлемнең сәбәбен белеп булмый: гәүдәләр бикле бүлмәләрдә бер елга якын ятканнар.

Шаһитлар – күрше подъездда яшәүчеләрнең сүзләренә караганда, фатирдан бертөрле кара капчыкларда калдыкларны алып чыккач, аларга аларда балаларның гәүдәләре булып тоелган.

ЖРЭУ-2 хезмәткәрләре энергиясе ташып торган Ольга Сергеевнаны яхшы хәтерлиләр, чөнки ул гына урам себерүчеләре һәм җыештыручылар белән спортчыларча исәнләшә, кулын югары күтәреп: «Барыгызга да сәлам!» – ди.

Үз фикерләре белән шәһәр спорт идарәсенең элеккеге җитәкчесе, даими укучыбыз Раиса Ипеева уртаклашты.

«Газетада Ольга Сергеевна турында укыдым һәм йөрәк өзелгәндәй булды - мин аны бик яхшы белә идем, - дип сөйләде ул. - Альбомны актарып чыктым, «Эллада» лагереннан аның белән 1975 елгы фотографияне таптым – төз гәүдәле, кара чәчле иде. Ул «КАМАЗ» спорт клубында эшләгән, аннары «Олимпийский» спорткомплексына күчкән, аннан «Этюд» директоры урынбасары булып эшләде. Аңа теләсә нинди эш килешә иде, аның белән бергә күпме төрле спорт чаралары уздырганнар – санап бетерерлек түгел. Әле спортчы үзе дә, шулай булгач, үз эшен «бик яхшы» белә иде. Тик холкы гына үзенчәлекле - ирләрчә кырыс, ул күп сөйләшми, һәм без аның турында берни дә белми идек. Шундый гадәти булмаган хатын-кыз язмышы. Ни өчен икәнен белмим, тик күптән түгел генә аның турында искә төшердем, шалтыратырга һәм аралашырга теләдем. Кызганычка каршы, өлгермәдем. Авыр туфрагы җиңел булсын»

Кинәт һәм күптән юкка чыккан туганнарның һәм күршеләрнең язмышы турында белергә кирәк булган экстремаль очракларда «112» телефоны буенча шалтыратырга кирәк.

«Челнинские известия»дан Ләлә Гайфетдинова язмасы тәрҗемә ителде