Կանադայի ԱԳ նախարարը հանդես է եկել ԼՂ հիմնախնդրի՝ բանակցությունների միջոցով քաղաքական լուծման օգտին

p bԵՐԵՎԱՆ, 23 սեպտեմբերի./ԱՌԿԱ/. /bԿանադայի արտաքին գործերի նախարար Մելանի Ժոլին հայտարարությամբ է հանդես եկել Լեռնային Ղարաբաղի շրջանում Ադրբեջանի ռազմական գործողության առաջին տարելիցի կապակցությամբ։/pp Նրանում նշվում է, որ./pp Անցած շաբաթ լրացավ մեկ տարին, ինչ Ադրբեջանը ռազմական գործողություն սկսեց Լեռնային Ղարաբաղում՝ դարեր շարունակ էթնիկ հայերով բնակեցված տարածաշրջանում:/pp Այս ռազմական գործողության հետևանքները զգալի էին. ավելի քան 100,000 խաղաղ բնակիչներ, այդ թվում՝ 30,000 երեխաներ, բռնի տեղահանվեցին Հայաստան՝ այս ռազմական գործողության արդյունքում, ինչը հանգեցրեց երկրում մարդասիրական կարիքների արագ աճին:/pp Ադրբեջանի չարդարացված ռազմական գործողությանը նախորդեց Լաչինի միջանցքով մարդասիրական մատակարարումների իննամսյա շրջափակումը՝ խախտելով Արդարադատության միջազգային դատարանի ժամանակավոր միջոցները։/pp Կանադան համերաշխ է մարդկանց հետ, ովքեր տուժել են այս ճգնաժամի հետևանքով և երախտապարտ է Հայաստանին իր դռները բացելու համար։ Ահա թե ինչու մենք 2023 թվականին տրամադրել ենք ավելի քան 3,9 միլիոն դոլար մարդասիրական օգնություն Լեռնային Ղարաբաղում ստեղծված իրավիճակի հետևանքով առաջացած հրատապ կարիքները բավարարելու համար։/pp Կանադան շարունակում է խրախուսել և աջակցել Հայաստանի և Ադրբեջանի միջև համապարփակ խաղաղության պայմանագրի շուրջ բովանդակալից բանակցություններին, ինչպես նաև կողմերի միջև շարունակական երկխոսությանը և վստահության ամրապնդման միջոցառումներին՝ տարածաշրջանի ժողովուրդների համար արդար և կայուն խաղաղության համար:/pp Կանադան բազմիցս կոչ է արել անվերապահորեն ազատ արձակել 2020 թվականի Ղարաբաղյան պատերազմի ժամանակ գերեվարված բոլոր հայ ռազմագերիներին։ Մենք նաև շարունակում ենք կոչ անել ազատ արձակել Ադրբեջանից բոլոր անհիմն ձերբակալված էթնիկ հայերին։/pp Կանադան աջակցում է Լեռնային Ղարաբաղի հիմնախնդրի բանակցային լուծմանն ու ուժի չկիրառման սկզբունքին, ինչպես նաև տարածքային ամբողջականության հարգմանը, ժողովրդի արդար ինքնորոշման իրավունքին։nbsp;Սա պետք է ներառի հայ խաղաղ բնակիչների անվտանգ և արժանապատիվ վերադարձի իրավունքը, մարդու իրավունքների պաշտպանության երաշխիքները և այդ տարածքում հայկական մշակութային և պատմական հուշարձանների պահպանումը:/p