«Бик көттек без бу мизгелне» – җырчы Айдар Фәтхетдиновның куанычы бар

Салават Фәтхетдиновның туганнан туган энесе, җырчы Айдар Фәтхетдиновның зур куанычы бар. Ул яңа фатир сатып алган.

«Бик көттек без бу мизгелне. Аллаһка шөкер, булды. Шатлык-куаныч белән яшәргә насыйп булсын, бәхет һәм бәрәкәт китерә торган фатир булсын», – дип яза ул үзенең сәхифәсендә.

Айдар Фәтхетдиновның фатиры Татарстанның Биектау районында. Яңа төзелеп килә торган йорт булганга, фатирны шактый озак көтәргә туры килгән.

Элек Башкортстан якларында яшәгән артистның Татарстанга күченгәненә дә инде дүртенче ел киткән.