Sony kompakt smartfonların istehsalını dayandırır

Kompakt smartfonları sevənlərin seçimi getdikcə azalır: ASUS bu il Zenfone 11-i təqdim etmədi, Apple və Google isə iPhone 16 Pro və Pixel 9-da ekran diaqonalını artırdılar. İndi məlum oldu ki, Sony-dən Xperia 5 VI-nın buraxılmasını gözləməyə dəyməz.

Xəbəri Yaponiyanın Impress Watch portalı paylaşıb və qeyd edib ki, Sony bir il əvvəl təqdim etdiyi Xperia 5 V-nin həm öz daxilində, həm də dünya bazarlarında satışını davam etdirməyə qərar verib. Bununla belə, şirkətin hazırda yeni Xperia 5 VI-nı buraxmaq planları yoxdur.

Sony-yə görə, bu il Xperia 5 VI-nın buraxılmaması qərarı «istifadəçi ehtiyaclarının dəyişməsi»nə əsaslanır. Göründüyü kimi, yığcam qurğulara tələbatın az olması artıq yeni modelin hazırlanmasına və təqdim edilməsinə haqq qazandırmır.

Beləliklə, şirkətin hazırkı flaqmanı Xperia 1 VI olaraq qalır.

The post Sony kompakt smartfonların istehsalını dayandırır appeared first on InfoCity.